13-21 сентябрь кунлари Ўзбекистонда Маданий мерос ҳафталиги, шунингдек, “Марказий Осиё жаҳон цивилизациялари чорраҳасида” халқаро маданий форуми бўлиб ўтмоқда.
Ҳафталик доирасида Тошкент, Хива ва Нукус шаҳарларида бир қатор ёрқин маданий тадбирлар, шунингдек, Ўзбекистон маданий меросини ўрганиш, сақлаш ва тарғиб қилиш бўйича Бутунжаҳон жамиятининг “Ўзбекистон маданий мероси – янги Уйғониш даври асоси” V Халқаро Конгрессини ўтказиш режалаштирилган.
Ўзбекистон ҳукумати томонидан қўллаб-қувватланадиган тадбирлар ташкилотчилари: Ўзбекистон маданий меросини ўрганиш, сақлаш ва тарғиб қилиш бўйича Бутунжаҳон жамияти, ЮНEСКО кўмагида Ўзбекистон электрон оммавий ахборот воситалари миллий ассоциацияси, Туризм ва спорт вазирлиги, Маданият вазирлиги, EriellGroup нефть хизматлари компанияси ҳисобланади. Конгрессда дунёнинг 40 дан ортиқ давлатидан ва мамлакатимиздан 350 га яқин қатнашчилар – етакчи шарқшунос олимлар, қуръоншунослар, экспертлар, тадқиқотчилар, қўлёзма ҳамда миниатюра мутахассислари ва бошқалар иштирок этмоқда.
Хуллас, 12 сентябрь куни «Ўзбеккино»да жаҳон олимлари иштирокидаги “Ўзбекистоннинг маданий мероси – янги Уйғониш даври асоси” V халқаро Конгрессига бағишланган матбуот анжумани бўлиб ўтди. Матбуот анжуманида ташкилотчилар Ўзбекистон маданий меросини ўрганиш, сақлаш ва оммалаштириш бўйича Бутунжаҳон жамияти фаолияти, “Ўзбекистон маданий мероси” лойиҳасининг аҳамияти, ҳафталиги доирасида қандай қизиқарли тадбирлар, кўргазма ва тақдимотлар ўтказилиши ҳақида сўз юритилди.
Кутилган ва бажарилган ишлар
– Ушбу кенг кўламли тадбир Ўзбекистон Президенти ташаббуси билан ўтказилаётганини алоҳида таъкидлайман. Айни пайтда маданият ва санъат соҳасида жуда жиддий юксалиш кузатилмоқда, буни халқаро экспертлар ҳам эътироф этмоқда. Бугун биз дунёнинг 37 давлатидан 150 га яқин меҳмонларни қабул қилдик ва бу уларнинг ушбу лойиҳага қизиқишини билдиради, деб ўйлайман, Чунки пандемия даврида кўпчилик саёҳат қилишдан ва муайян тадбирларда қатнашишдан бош тортмоқда, – деди Ўзбекистон маданий меросини ўрганиш, сақлаш ва оммалаштириш бўйича Бутунжаҳон жамияти бошқаруви раиси. Ўзбекистонда хизмат кўрсатган журналист Фирдавс Абдухолиқов. – Бугунги кунга қадар Ўзбекистон маданий меросини ўрганиш, сақлаш ва тарғиб қилиш бўйича Бутунжаҳон жамияти дунё бўйлаб 300 га яқин олимларни бирлаштирган бўлиб, улар Ўзбекистон маданияти ва санъатига меҳр қўйган инсонлардир ва улар нафақат меҳмонлар, улар маданиятимизни тадқиқ этиш ва оммалаштиришга ўзларининг меҳнатлари, билимлари ва илмий тадқиқотлари билан ҳисса қўшадилар.
Тадқиқот – бу уларнинг Ўзбекистон ҳақида чоп этаётган китоблари, тарҳиб қилиш эса бутун дунё бўйлаб тарқатиладиган китоблардир. Бизнингча, бу билимларни нафақат бутун дунёга тарғиб қилиш, балки биринчи навбатда, ёшлар эътиборига ҳавола этиш керак, давлатимиз раҳбари бу ҳақда йирик халқаро форумларда, йиғилишларда ва бошқа тадбирларда бир неча бор гапириб ўтган. Давлатимиз раҳбарининг бу ташаббусларининг барчаси асосий миллий ғоя – учинчи Уйғониш даври ғояси билан боғлиқ. Бугун эса халқаро олимлар томонидан олиб борилаётган ишлар ана шу ғояни мустаҳкамлаш ва тарғиб этишга қаратилган. Бизнинг дўстларимиз, Янги Ўзбекистоннинг дўстлари бу ерга етиб келишди, чунки 5 йил ичида 50 га яқин жилд
– “Ўзбекистон маданий мероси жаҳон тўпламларида” китоб-альбомлари яратилди ва бу нашрнинг ўзига хослиги шундаки, бу лойиҳа доирасида дунё олимлари Бутунжаҳон жамиятида бирлашиб, бизнинг бетакрор маданий меросимиз ҳақида дунёга сўзлаб беришади. Бу китобларда мамлакатимиз Президенти ташаббуслари, Учинчи Уйғониш даври ғоялари мустаҳкамланади. Шу боис, ушбу форумдан кўплаб самарали ишлар кутамиз, кўплаб шов-шувли альбомлар тақдимотлар, қўлёзмаларнинг факсимиле нашрлари тақдимотлари бўлиб ўтади. Ўтган йили пандемия даврида иш онлайн режимига ўтгани учун сўнгги икки йилдаги иш натижалари ҳақида ҳам гаплашамиз.
