2021 yilning 13-21-sentabr kunlari Mueller&Schindler nashriyoti yana bir bor O‘zbekiston madaniy merosini o‘rganish, saqlash va ommalashtirish bo‘yicha Butunjahon jamiyatining har yillik V kongressida ishtirok etish sharafiga muyassar bo‘ldi. Mazkur xalqaro tadbir “Markaziy Osiyo sivilizatsiyalar chorrahasida” xalqaro forumi bilan birgalikda, O‘zbekiston Respublikasi Prezidenti Shavkat Mirziyoyev tashabbusi va YUNESKO homiyligida o‘tkazildi.
U Madaniy meros Haftaligi doirasida respublikaning uchta shahrida – Toshkent, Xiva va Nukusda bo‘lib o‘tdi. Tadbirga dunyoning 40 dan ortiq davlatidan mahalliy va xorijiy olimlar, tarixchilar, sharqshunos va tadqiqotchilar tashrif buyurdilar va moddiy va nomoddiy madaniy merosni asrab-avaylash, bugungi kundagi muammolar va istiqboldagi imkoniyatlarga bag‘ishlangan anjumanda ishtirok etdilar.
Ayni kunlarda tajriba va g‘oyalar almashinuvi O‘zbekiston va butun islom madaniy makonida katta ahamiyatga ega. Qo‘lyozmalar bo‘yicha chuqur bilim va tajribamiz, ularni saqlash va tasviriy san’atning faksimil nashrlari ko‘rinishida ko‘paytirish tufayli biz ko‘p yillar davomida ushbu loyihaning ajralmas qismi bo‘lib kelganmiz.
Biz O‘zbekistonning nafaqat o‘zining boy yozma merosini, balki o‘zbek xalqining noyob merosini ham saqlash, ommalashtirish va kelajak avlodlar uchun asrab-avaylash istagini har tomonlama qo‘llab-quvvatlaymiz. Ushbu anjuman va puxta ishlab chiqilgan hamda noyob yordamchi dasturlar tufayli vaqt sezilmay o'tib ketdi. Biz yangi va ajoyib tajribalarga ega bo’lib, va hozir har qachongidan ham ko’proq bu maftunkor mamlakatning boy madaniy merosidan xabardormiz. Tashkilotchilarga taklif va o'zbek madaniyati bilan yaqindan tanishish imkoniyati uchun minnatdorchilik bildiramiz. Bizga bildirgan ishonchingiz uchun katta rahmat.
https://www.muellerundschindler.com/en/usbekistan-congress/
