2018 yilda II Xalqaro Kongress doirasida O‘zbekiston madaniy merosini o‘rganish, saqlash va ommalashtirish boʻyicha Butunjahon jamiyati tuzildi, uning nizomi tasdiqlandi.

2018 yilning 6-8 iyun kunlari Sankt-Peterburg shahrida “O‘zbekiston madaniy merosi – xalqlar va mamlakatlar orasidagi yo‘l” II Xalqaro kongressi bo‘lib o‘tdi.

 II Xalqaro kongressda dunyoning 40 davlatidan 350 dan ortiq ishtirokchi – fan va madaniyat muassasalari, davlat va jamoat tashkilotlari rahbarlari va xodimlari, diplomatik korpus vakillari, ekspertlarni jamladi. Ular orasida: O‘zbekiston Respublikasining Rossiya Federatsiyasidagi Favqulodda va Muxtor Elchisi Bahrom Ashrafxonov; Sankt-Peterburg tashqi aloqalar qo'mitasi raisining o'rinbosari Svetlana Jurkina; YuNESKO Klaster byurosi (Markaziy Osiyo) direktori Krista Pikkat; Oʻzbekiston Respublikasi Vazirlar Mahkamasi huzuridagi Xorijda joylashgan Oʻzbekiston madaniy boyliklarini tadqiq qilish markazi direktori Roik Bahodirov; Rossiya Fanlar akademiyasining prezidenti, Butunrossiya dekorativ, amaliy va xalq amaliy sanʼati muzeyi direktori Elena Titova; Rerix muzeyi direktori, Davlat Sharq muzeyi direktorining o'rinbosari Tigran Mkrtichev; Rossiya etnografiya muzeyi direktori Vladimir Grusman; RFA Buyuk Pyotr (Kunstkamera) nomidagi Antropologiya va etnografiya muzeyi direktori Andrey Golovnyov; Rossiya Fanlar akademiyasi prezidenti Aleksandr Sergeev va boshqalar.

 II congress doirasida beshta ilmiy sho‘ba, “Movarounnahr san’ati Davlat Ermitaji to’plamida” turkumidagi 15 jildlik kitob-albomlarning taqdimoti bo‘lib o‘tdi. Shuningdek, Germaniya muzeylari, Dinlar tarixi davlat muzeyi, Davlat Ermitaji, O‘zbekiston davlat san’at muzeyi, Ispaniya, Kanada, AQSH muzeylari kolleksiyalarida suratga olingan hujjatli filmlar namoyishi taqdim etildi.

 “O‘zbekiston badiiy to‘qimachiligi durdonalari”, “Alisher Navoiy asarlari 15-19-asrlar qo‘lyozmalarida”, “XV-XIX asrlarda Samarqand, Buxoro, Qo‘qon va Xiva qo‘lyozma kitoblari” ko‘rgazmalarining ochilishida, barcha muzeylarga respublika olimlari, fotograflari va nashriyotlarining o‘n yillik mehnati samarasi bo‘lgan “O‘zbekiston me’moriy epigrafikasi” turkumidagi 13 ta kitob-albomdan iborat sovg‘alar to‘plami topshirildi. O‘n uch jildda respublikamizning barcha viloyatlaridan qo‘rg‘on devorlari, yodgorlik va qabr toshlaridagi bitiklarning fotosuratlari va tarjimalari – Qur’oni karimdan iqtiboslar, she’riy matnlar, yodgorliklar ijodkorlari va qurilgan sanalar haqidagi ma’lumotlar o‘rin olgan. Bunday miqyosda epigrafika dunyoda birinchi marta o‘rganilmoqda.

 6-iyun kuni, Ikkinchi xalqaro kongress doirasida Rossiya Fanlar akademiyasi Antropologiya va etnografiya muzeyi kutubxonasida (Kunstkamera) “Buxoroning ipak va oltini: Oʻzbekiston amirlarining elchilik sovgʻalari RFA ning AEM to’plamida” mualliflik maʼruza-taqdimoti boʻlib oʻtdi. 

7 iyun kuni, Din tarixi davlat muzeyida, keng ko‘lamli “O‘zbekiston madaniy merosi jahon to‘plamlarida”xalqaro nashriyot loyihasi doirasida “O‘zbekiston. Madaniyatlar chorrahasida” ko’rgazmasi o’tkazildi. 

7-iyun kuni, Rossiya milliy kutubxonasida, “O‘zbekiston madaniy merosi – xalqlar va mamlakatlar o‘rtasidagi muloqotga yo‘l” ikkinchi xalqaro kongressi doirasida, “Alisher Navoiy asarlari XV-XIX asrlar qo‘lyozmalarida” ko‘rgazmasi bo‘lib o‘tdi.  

7 iyun kuni, Sankt-Peterburg Davlat din tarixi muzeyida (DDTM), Buxoro amirining zardo’zlik qilingan noyob choponi namoyish etildi.

 Uchinchi xalifa Usmonning qoni bilan bo‘yalgan, deb hisoblanadigan Qur’onning bugungi kungacha saqlanib qolgan eng qadimiy qo‘lyozmasi, muborak Ramazon oyida, Rossiya fanlar akademiyasi Sharq qo‘lyozmalari institutida tashkil etilgan ko‘rgazmada, “O‘zbekiston madaniy merosi – xalqlar va mamlakatlar orasidagi muloqotga yo‘l” II kongressi doirasida namoyish etildi.

“O‘zbekiston madaniy merosi – xalqlar va mamlakatlar orasidagi muloqotga yo‘l” xalqaro kongressining ikkinchi kuni yakunlari bo‘yicha, ishtirokchilar O‘zbekiston Respublikasi Prezidenti Shavkat Mirziyoyevga ochiq Murojaatnomani qabul qilib, ilm-fan va madaniyatni rivojlantirish, O‘zbekiston madaniy merosini asrab-avaylash masalalariga qaratilayotgan e’tiborni yuksak baholadilar va Prezident Mirziyoyev tashabbusi bilan bu boradagi loyihalarni amalga oshirishni har tomonlama qo‘llab-quvvatlashga tayyorliklarini bildirdilar. 

Natijada, tashkil etilgan jamiyatning maqsad va vazifalari, jumladan, jamiyat qoshida O‘zbekiston Respublikasi Fanlar akademiyasi akademigi Edvard Rtveladze rahbarligidagi Ilmiy kengash tashkil etilishi belgilab berilganligi to’g’risidagi rezolyutsiya qabul qilindi.