Din tarixi davlat muzeyida “O‘zbekiston madaniy merosi jahon to‘plamlarida” keng ko‘lamli xalqaro nashr loyihasi doirasida "О'zbekiston.Madaniyatlar chorrahasida" ko'rgazmasi ochildi.
Muzey oʻzbek kolleksiyasini ilk marotaba taqdim etmoqda, u 100 dan sal koʻproq eksponatni tashkil etadi, ularning aksariyati birinchi marta namoyish etilmoqda.
Muzeyning oʻzbek kolleksiyasi uzoq vaqt davomida shakllangan (1930-yillarning boshidan 1980-yillarning oxirigacha) va tematik yoʻnalganligi bilan tasniflanadi: unda O'zbekiston hududida qadim-qadimlardan to hozirgi kunlargacha yashab kelgan xalqlarning diniy e'tiqodlarini (zardushtiylik, buddizm,iudaizm, islom) aks ettiruvchi moddiy va maʼnaviy madaniyat yodgorliklari taqdim etilgan. To'plam turli materiallar va texnikalar bilan ajralib turadi, arxeologiya va etnografiya ob'ektlarini, shuningdek, tasviriy va dekorativ san'at asarlarini o'z ichiga oladi va ikki ming yillik davrni (eramizning II-XX asrlarini) qamrab olgan.
Kollektsiyani shakllantirish uchun, muzey xodimlarining yig'ish va ekspeditsiya faoliyati, buyumlarni sotib olish va ularni sovg'a qilish, muzeylar o'rtasida almashish, 1946 yilda yopilgan Moskvadagi Dinga qarshi markaziy muzeydan kolleksiyalarni qabul qilib olish katta ahamiyatga ega bo'ldi.
Ko‘rgazmada namoyish etilgan kolleksiya durdonalaridan biri Buxoro amiri Abdul-Ahadxonning IX asr oxiri — XX asr boshlariga oid zardo‘zlik bilan tikilgan ipak choponidir.
Ta’kidlash joizki, ko‘rgazmaning ochilish marosimi doirasida muzeyga “O‘zbekiston me’moriy epigrafikasi” nomli 13 ta kitob-albom to‘plami hamda Katta-Langar Qur’oni karimning faksimil nusxasini topshirish marosimi bo‘lib o‘tdi.
Muzey rahbariyatiga sovg‘ani “O‘zbekiston madaniy merosi jahon to'plamlarida” loyihasi muallifi Firdavs Abduxoliqov taqdim etdi.
Ko‘rgazma 2018-yil 8-iyulgacha davom etadi.
