Hindlarning qurbonliklari haqidagi asosiy matnlaridan biri bo‘lgan shatapatxa-braxmanada dafn marosimlarini kuzda yoki yozda bajarish kerakligi ta’kidlanadi; unda shuningdek, qurbongohlar tarhiga ko‘ra aynan janubi-sharqqa qaratib qurilishi ham belgilab berilgan. Darhaqiqat, suv sahnasi Afrosiyobdagi binoning sharqiy va janubiy devorlari orasidagi burchakda joylashgan. Qurbongohni qurishdagi murakkab jarayonlarning har bir bosqichida hayvonlarning ishtiroki ham talab etilgan bo‘lib, buni biz xususan suvli sahnadagi tizzalab turgan odamning tagida chizilgan toshbaqa misolida ham ko‘rishimiz mumkin.
Shimoliy devor aniq Xitoy bilan bog‘liq: unda astronomik masalalar bilan bog‘liq juda murakkab mazmunga ega bo‘lgan ikki qismli tasvir saqlangan. Bundan tashqari, ikki qismli ushbu tasvir g‘arbiy va janubiy devorlardagi sahnalarga va ehtimol sharqiy devordagi sahnaga ham juda mos keladi.
Mavzu doirasida batafsil “O‘zbekiston madaniy merosi jahon to‘plamlarida" turkumidagi “Sugʻdiyona ipak yo‘lining yuragi” kitob-albomida (XXXV jild) tanishishingiz mumkin.
Loyihaning bosh homiysi – Eriell-Group neft xizmatlari kompaniyasi.
