Son jihatdan “Boznoma”lar, yaʼni lochin haqidagi risolalar ko‘proq. Jumladan, lochin bilan ov qilishga o‘ta ishqiboz bo‘lgan boburiy Jaloliddin Akbar (1556 – 1605) davrida yozilgan bir nechta asarlar nusxalari mavjud.
Mazmuniga ko‘ra “Boznoma”larga yaqin bo‘lgan “Shikornoma”lar – ov haqidagi asarlar ham saqlanadi. Ularning orasida Ali ibn al-Mansur al-Xavofiyning (XIV asr) «Shikornomai Ilxoniy» (Elxonning ov kitobi) va Shayx ul-islom al-Hiraviy as- Samarqandiyning (XVI asr) sulton Badiʼ uz-Zamon uchun yozilgan «Kitobi saydiya» (Ov haqida kitob)ning ayrim nusxalari nafis ishlangan rangli suratlari va naqsh bezaklari bilan diqqatga sazovordir. So‘nggi asarning 7 ta nusxasidan dastlabkisi 1553 yilga mansub.
Mavzu doirasida batafsil: “O‘zbekiston madaniy merosi jahon to‘plamlarida” turkumidagi “O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik instituti to’plami” kitob-albomida (XXII jild) (2-qismda) tanishishingiz mumkin.
Loyihaning bosh homiysi – Eriell-Group neft xizmatlari kompaniyasi.
