Keyinchalik mazkur termin Payg‘ambar avlodlariga qo‘shib aytiladigan bo‘ldi. Oradan zamonlar o‘tib uning sinonimlari – sharif, ahli bayt/ahlal-bayt, avlod ar-rasul, mir, amir, sayyidlar va boshqalar ham paydo bo‘ldi. Sayyidlar nasabnomalarining aksariyat ko‘pchiligi Payg‘ambarning nevarasi Husayn ibn Ali ibn Abu Tolibga (626–680) borib taqaladi. Sayyidlar klanining umumlashtirilgan unvoni – husayniya keyingi o‘rta asrlarda Markaziy Osiyoda keng tarqalganligi ham shundan.
Mavzu doirasida batafsil “O‘zbekiston madaniy merosi jahon to‘plamlarida" loyihasining “O‘zbekiston obidalaridagi bitiklar” nashri ostida chop etilgan Qashqadaryo viloyatiga bag‘ishlangan kitob-albomida tanishishingiz mumkin.
