Orol va Amu qirg‘oqlarida: qoraqalpoqlar sanʼati O‘zbekiston tarkibidagi Qoraqalpog‘iston avtonom respublikasi chinakam betakror zamin bo‘lib, uning xalqi o‘ziga xos madaniyat va sanʼatni yaratib, bugungi kunda butun dunyo hayratga solmoqda. Bu sanʼatning o‘ziga xosligi asrlar davomida cho‘llar, botqoqlar, kengliklar, to‘qaylar, noyob suv yo‘llari bilan uyg‘unlashgan mahalliy landshaftni o‘zida aks ettirgan. Qoraqalpog‘iston bilan tanishar ekanmiz, o‘tgan ming yilliklar davomida mahalliy landshaft o‘zgarmagan, deb o‘ylash mumkin. Biroq, bu taassurot aldamchi. Bir paytlar unumdor dalalar bo‘lgan joylar cho‘lga, to‘lqinlanib oqqan daryolar qurib borayotgan daryolarga aylangan. Landshaft o‘zgarishlari XX-asrda ham sodir bo‘ldi, mintaqa chekinayotgan Orol fojiasiga duch keldi. Tabiatdagi o‘zgarishlar anʼanaviy madaniyatning o‘zgarishiga olib kelishini hisobga olib, bunga har qachongidan ham ehtiyotkorlik bilan yondashish kerak. Mazkur albom orqali qoraqalpoqlarning zamon qiyinchiliklariga qaramay, kelajak avlodlar uchun asrab-avaylanishi lozim bo‘lgan ajoyib badiiy merosini ommalashtirishga hissamizni qo‘shishga harakat qildik. O‘quvchi qoraqalpoq kelinining milliy libosi va zargarlik buyumlari bilan tanishishi, uning qiyofasi qadimgi Amazonkalarni eslatishi, u Buyuk Dashtning jangchi ayol qiyofasi bilan bog‘liqligini anglashi mumkin. Shuningdek, qoraqalpoq o‘tovlarini ko‘zdan kechirib, xalq hayotini aks ettiruvchi gilam va boshqa to‘qimachilik mahsulotlariga baho beramiz. Albom “Madaniy meros jahon to‘plamlarida” loyihasi hamda I.V.Saviskiy nomli (Nukus) Davlat sanʼat muzeyi va taniqli sanʼatshunos er-xotinlar Irina Bogoslovskaya va Adam Smit Albionlar hamkorligi samarasi bo‘ldi. Ular o‘zlarining qoraqalpoq sanʼati to‘plamini nashr etish uchun taqdim etishdi. Barcha materiallar maʼlum turdagi mahsulotlarga mavzusi jihatdan tematik bo‘limlarga bo‘lingan. Bular to‘qimachilik, zargarlik va charm buyumlardir. Kirish so‘zi: loyiha muallifi va rahbari Firdavs Abduxoliqov. Bo‘limlarning mualliflari: I.V.Saviskiy nomli Davlat sanʼat muzeyi direktori Tigran Mkrtichev, sanʼatshunoslar Irina Bogoslovskaya, Elmira Gul, Zafara Aliyeva.