O‘zbekiston hududida musiqa madaniyati paydo bo‘lishining dastlabki ildizlari antik davrlarga borib taqaladi va u ibtidoiy jamoalarning ov mashg‘ulotlari bilan bog‘liq bo‘lgan. O‘sha qadim zamonlardan beri musiqa shonli rivojlanish yo‘lini bosib o‘tdi va mintaqaning maʼrifiy, diniy va madaniy hayotining eng muhim sohasiga aylandi. “O‘zbekiston musiqiy merosi Rossiya Federatsiyasi to‘plamlarida” nomli jilddao‘zbek tasviriy sanʼatining noyob namunalari – O‘zbekistonda qadimgi davrdan hozirgi kungacha rivojlanib kelgan musiqa madaniyatining rivojlanishini o‘zida aks ettirgan terrakotalar, haykaltaroshlik namunalari, badiiy metall buyumlar, kitobga ishlangan musiqa mavzulariga oid miniatyuralar, shuningdek, musiqa asboblari kolleksiyalari, hujjatli materiallar va fotosuratlar taqdim etilgan. Taqdim etilgan artefaktlarning aksariyati juda ham yuksak qiymatga ega va ular hozirgi kunda Rossiya muzeylari, ilmiy va madaniy muassasalarining "oltin fondi" ni tashkil qiladi. Kitobning asosini Moskvadagi M. I. Glinka nomidagi Butunrossiya musiqa madaniyatiga oid muzeylar birlashmasida (BMMMB) saqlanayotganetnograf A.F. Eyxgorn to‘plamidagi musiqa asboblari kolleksiyasining tavsiflari tashkil qiladi.