(2-QISM) “O‘zbekiston muzeylari va xususiy kolleksiyalari materiallari bo‘yicha anʼanaviy o‘zbek liboslari” kitob-albomining ikkinchi qismi Surxondaryo, Qashqadaryo, Xorazm va Qoraqalpog‘istonda isteʼmolda bo‘lgan erkaklar va ayollar kiyadigan liboslarga bag‘ishlangan. Katalogda respublikaning turli muzeylari va shaxsiy kolleksiyalarda saqlanayotgan liboslar va aksessuarlarning eng sara namunalari jamlangan. Jildni o‘qib chiqqandan so‘ng, qoraqalpoq ayollarining ko‘k ko‘ylek deb ataladigan ajoyib ko‘k rangli to‘y ko‘ylagi qanday bo‘lganligi, unga qanday bezaklar yopishtirish kerakligi, turma yaʼni qoraqalpoq qizlarining ro‘moli qanday bog‘langanligi bilib olishingiz mumkin bo‘ladi. Jilddagi materiallarning salmoqli qismi O‘zbekiston aholisining ko‘proq qismi azal-azaldan chorvachilik bilan shug‘ullanib kelgan hududlarida moda (urf), milliy liboslarni ishlab chiqarish va kiyish madaniyati tarixi haqida hikoya qilinadi. Shu bilan birga, shaharlarning modasi, xususan, Shahrisabz kabi turli to‘qimachilik mahsulotlarini ishlab chiqarish bilan mashhur bo‘lgan markazlar ham chetlab o‘tilmagan.