O‘zbekistonning keskin kontinental iqlimi, tog‘lardagi qattiq shamoli va sovuq qishi, tekisliklardagi jazirama yozi, o‘troq va ko‘chmanchilikka xos turmush tarzining birlashib ketishiga, buning natijasida esa aholining turli etnik guruhlari tomonidan har qanday ob-havo uchun qulay bo‘lgan o‘ziga xos kiyim turlarining rivojlanishiga olib keldi. “O‘zbekiston muzeylari va xususiy kolleksiyalari materiallari bo‘yicha anʼanaviy o‘zbek liboslari” nomli jildda tarixiy maʼlumotlar (yozma manbalar, devoriy rasmlar, haykaltaroshlik, miniatyura, fotohujjatlar) hamda bizgacha yetib kelgan liboslarning namunalari, O‘zbekiston xalqlarining eng boy merosi sanalgan anʼanaviy liboslar taqdim etilgan. Birinchi qism Buxoro, Samarqand, Toshkent shaharlari va Farg‘ona vodiysining shaharlaridagi erkaklar va ayollar liboslariga bag‘ishlangan. Bu yerda respublikaning turli muzeylari va shaxsiy kolleksiyalarida saqlanayotgan ustki va ichki kiyimlar, belbog‘lar va kamarlar, poyabzallar, bosh kiyimlari, shuningdek, ushbu markazlarda tayyorlangan zebu ziynatlarni ham ko‘rish mumkin. Bu yerda birinchi marta mahalliy liboslarning shu zaminga xos xususiyatlarini vizual tarzda tasavvur imkoniyati paydo bo‘ldi.