"Griboyedov qonining bahosi" – rus diplomatlari Alisher Navoiyning "Ilk devon"ini shunday nom bilan atashgan. Bu buyuk o‘zbek shoirining tiriklik davrida nusxa ko‘chirilgan va saqlanib qolgan qo‘lyozmalari orasida eng qadimiysi sanaladi. Undan 1465-1466 yillarda qayta nusxa ko‘chirilgan va oradan ancha vaqt o‘tgach “Shoh” olmosi bilan birga Eron hukmdori tomonidan Rossiya elchisi Aleksandr Griboyedovning Tehronda o‘ldirilishi uchun maʼzur tutishini nazarda tutgan holda Rossiya imperatori Nikolay I ga sovg‘a qilingan. “Ilk devon” Navoiy taxminan 25 yoshlarda bo‘lganda yozilgan. Hozirgi kunda Rossiya Milliy kutubxonasida Alisher Navoiyning tiriklik davrida nusxa ko‘chirilgan yana ikkita qo‘lyozmasi saqlanmoqda. Bular 1493 yilda qayta ko‘chirilgan “Xamsa” ("Besh doston") va XV asrning oxiri – XVI asrning boshlarida qayta ko‘sirilgan “Kulliyot” asaridir. Umuman olganda, “Alisher Navoiy asarlari XV–XVI asrlar kitob sanʼati durdonalarida (Rossiya Milliy kutubxonasi fondida, Sankt-Peterburg, Rossiya)” kitob-albomiga O‘zbekistonning qo‘lyozma merosi boyligini namoyish qiluvchi 100 dan ortiq sara asarlar kiritilgan.