Buyuk Britaniya muzeylarining kolleksiyalari artefaktlar haqiqiy xazinasi bo‘lib, ular orasida kelib chiqishi O‘zbekiston bilan bog‘liq bo‘lgan o‘ta noyob buyumlar ham bor. Ulardan ayrimlariga kelsak, baʼzilarining kelib chiqishi O‘zbekiston bilan bog‘liq, deb to‘liq ishonch bilan aytish mumkin emas. Masalan, Britaniya muzeyida saqlanayotgan mashhur temuriylar sulolasi hukmdori, podshoh olim – matematik, astronom va fan homiysi Ulug‘bekning kosasi ana shular qatoriga kiradi. Kosaning kelib chiqishi uzoq vaqtdan beri ilmiy munozaralarning asosiy mavzusi bo‘lib kelgan. Axir, piyola yasalgan nefrit odatda Xitoy bilan bog‘lanadi, chunki u yerda ushbu mineraldan buyumlar ishlab chiqarish yuqori darajada rivojlangan. Biroq, hozirgi vaqtda kosaning bevosita O‘rta Osiyoda mahalliy hunarmand tomonidan yaratilganligi haqidagi fikr ustunlik qilmoqda. Ushbu durdona asardan tashqari, jildda Oksford universiteti qoshidagi Eshmol muzeyida va “Barrell kolleksiyasi” tarkibiga kiradigan so‘zana saqlanadigan Glazgodagi jamoat muzeyida saqlanadigan kelib chiqishi O‘zbekiston bilan bog‘liq eksponatlar ham mavjud. Barcha yodgorliklar o‘ziga xos xususiyatga ega, juda qiziqarli bo‘lib, ular Birlashgan Qirollik odamlarining tarixda O‘zbekiston xalqlarining rang-barang madaniyatiga nisbatan bo‘lgan katta qiziqishlarini o‘zida aks ettiradi.