“O‘zbekiston madaniy merosi AQSH va Kanada xususiy to‘plamlarida” kitob-albomi kitobxonni qachonlardir O‘zbekistonda tayyorlangan va aksariyati taqdir taqozosi tufayli okean ortiga kelib qolgan, o‘zining badiiy ahamiyati jihatidan juda ajoyib va ko‘rinishi esa turfa xilda bo‘lgan artefaktlar bilan tanishtiradi. Ular orasidan kashtalar, gazlamalarg namunalari, kiyim-kechak va poyabzallar, uy-ro‘zg‘or buyumlari bor. Bugungi kunda ular Merilin va Marshall Vulf, Bryus Baganz, Rojer Pratt, Tomas Koul kabi butun dunyoga mashhur kolleksiyachilar va ekspertlarning shaxsiy kolleksiyalarida namoyish etilgan. Devid va Elizabet Reynsbordlar tomonidan yaratilgan kolleksiyalardan biri, uning sohiblari tomonidan Los-Anjeles okrugining Sanʼat muzeyiga (LACMA) sovg‘a qilingan. Devid Peyliga tegishli bo‘lgan yana bir noyob raritetlarning bir qismi ham 2022 yilgi ko‘rgazmadan keyin Amerikaning uchta muzeyiga topshirilishi vaʼda qilingan. Ushbu jildning har bir bo‘limi bir vaqtlar O‘zbekistonning shahar va qishloqlarida yashab o‘tgan nomi nomaʼlum to‘quvchilar va kashtachilar tomonidan yaratilgan noyob durdona asarlarga bo‘lgan muhabbat qissasidir.