Rossiyaning rangli fotografiyasining kashshoflaridan biri Sergey Mixaylovich Prokudin-Gorskiy o‘zi haqida shunday degan edi: “Men o‘zimni sanʼatkor deb hisoblamayman, men ilm odamiman”. 1906-07 yillarda u O‘rta Osiyoga bir necha marta sayohatlar uyushtirib, Samarqand, Buxoro shaharlari va mintaqaning boshqa shahar-qishloqlarida ko‘plab rangli fotosuratlarni suratga olgan. Shu tariqa u birinchi bo‘lib O‘zbekistonni rangli suratda tasvirga olgan. Tarixiy ahamiyatiga ko‘ra noyob bo‘lgan ushbu fotosuratlar uni ajoyib manzara va portret rassomi sifatida ham namoyon qiladi. Ushbu jildda birinchi marta Prokudin-Gorskiy hayoti va faoliyati yangilangan maʼlumotlar asosida batafsil o‘rganildi. Mashhur fotografning tarjimai holiga oid ko‘plab faktlarga aniqlik kiritildi. Umuman olganda, kitob-albom O‘zbekiston madaniyati va tarixiga oid ajoyib tarixiy qissaga aylandi. Nashrning birinchi sahifalarida S.M. Prokudin-Gorskiyning Fransiyada istiqomat qiladigan nabirasi Ivan Svechinning kitobxonlarga murojaat sifatida yozgan tabrik so‘zlari berilgan.