O‘zbekiston Respublikasi Fanlar akademiyasining Abu Rayhon Beruniy nomidagi Sharqshunoslik instituti qo‘lyozmalar fondiga bag‘ishlangan 23-jild (3-qism)ga badiiy adabiyotning noyob qo‘lyozma namunalari, jumladan, sheʼriy to‘plamlar, nasriy asarlar, xalq og‘zaki ijodi namunalari kiritilgan. XI asrga oid adabiyotlar juda keng va rang-barang ko‘rinishda taqdim qilingan. Asarlar orasida birinchi navbatda Abulqosim Hasan ibn Isʼhoq at-Tusiy Firdavsiyning (1020-1025 yillar oralig‘ida vafot etgan) mashhur “Shohnoma”sini (Shohlar kitobi) tilga olish mumkin. Dostonning tugallangan sanasi taxminan 1010 yilga to‘g‘ri keladi. “Shohnoma”ning eng dastlabki ko‘chirilgan qo‘lyozma nusxasi 1450 yilga, oxirgisi 1865 yilga to‘g‘ri keladi. Fondda ushbu asarning 20 dan ortiq qo‘lyozma nusxalari saqlanadi. Ularning aksariyati rang-barang qilib bezatilgan, nafis nastaliq husnixatida qayta ko‘chirib yozilgan. Institut fondidagi shuningdek, qadimgi turkiy adabiyotning ajoyib namunasi, 1069-1070 yillarda Yusuf Boloso‘g‘uniy tomonidan yozilgan “Qutadg‘u bilig” asari ham mavjud. (inventar raqami 1809). 2000 yilda O‘zbekiston Respublikasi Fanlar akademiyasi Sharqshunoslik institutining qo‘lyozmalar fondi dunyodagi eng boy qo‘lyozmalar xazinalaridan biri sifatida YUNESKOning “Jahon xotirasi” reyestriga kiritilgan.