Sankt-Peterburgdagi Dinlar tarixi davlat muzeyi o‘ziga xos spetsifikxususiyatgaega bo‘lib, unda saqlanayotgan asori-atiqalar qaysidir maʼnoda turli xalqlarning diniy-eʼtiqodiy madaniyati va diniy anʼanalari bilan bog‘liqdir. Kelib chiqishi O‘zbekiston hududi bilan bog‘liq bo‘lgan asori-atiqalar mintaqa tarixida yuzaga kelgan diniy urf-odatlarning qanchalik rang-barang ekanini baholash imkonini beradi. Misol uchun, katalogga Qoratepa manzilgohidagi buddaviylik majmuasidan topilgan arxeologik yodgorliklar, jumladan Budda qiyofasi tasvirlangan devoriy rasmlarningfragmentlari, zardushtiylik dini marosimlarida qo‘llaniladiganpredmetlar kiritilgan. Islom davri esa Qurʼon namunalari, muqaddas kitobnio‘qish uchun mo‘ljallangan maxsus qurilma, yaʼni lavhlar, joynamozlar va kashtalar orqali namoyish qilingan. Qurilish ishlari Buxoro amiri Seyid Abdulahadxonning beminnat homiyligi ostida amalga oshirilgan Sankt-Peterburg jomye masjidiga bag‘ishlangan bo‘lim alohida qiziqish uyg‘otadi. Jildga, shuningdek, tasviriy sanʼat asarlarining namunalari ham kiritilgan. Bular rossiyalik mo‘yqalam ustalari va grafik rassomlar, jumladan, Richard-Karl Zommer va Lev Burening asarlari, shuningdek, “Fototeka” fondida va muzeyning ilmiy-tarixiy arxivida saqlanayotgan va qaysidir jihatdan O‘zbekistonning diniy hayoti bilan bog‘liq bo‘lgan hujjatli materiallardir.