Ushbu jild Moskvadagi ikki muzey – Davlat tarix muzeyi va Butunrossiya amaliy-bezak va xalq sanʼati muzeyida saqlanayotgan O‘zbekiston bilan bog‘liq kolleksiyalarini birlashtiradi. Kataloglarda taqdim etilgan artefaktlar O‘zbekiston badiiy merosining rang-barangligi va boyligini aks ettiruvchi xronologik tasnifi va hunarmandchilik turlari bo‘yicha tartibga solingan. Ular orasida Davlat tarix muzeyining to‘plamida saqlanayotgan hududning qadimiy sivilizatsiyalarida shakllangan madaniyatini o‘zida aks ettiruvchi arxeologik topilmalar alohida eʼtiborga molikdir. Butunrossiya amaliy-bezak va xalq sanʼati muzeyida esa 1930-yillarning boshida toshkentlik ustalar tomonidan 1925 yilda Parijda joriy etilgan zamonaviy dekorativ va sanoat sanʼati xalqaro ko‘rgazmasi, 1937 yildagi Parij xalqaro ko‘rgazmasi, shuningdek, 1939 yilda o‘tkazilgan Nyu-York ko‘rgazmalari uchun tayyorlangan O‘zbekistonning juda qiziqarli kulolchilik kolleksiyasi saqlanadi. Bu ko‘rgazmalarda qatnashish o‘zbek ustalarining ulkan g‘alabasi bo‘ldi.