Xorazmning o‘z tili (oromiy tillar guruhiga mansub) mavjud bo‘lib, uni na Arab, na fors tili siqib chiqara olgan. Bu tilda bitiklar, asarlar yozilgan. Bunday bitiklar saroylar va uylarning devorlarini bezagan. Shunday ekan, qadimgi Xorazm san’atida epigrafika juda qadimiy an’anadir. Xorazmga kelgan arablar (VIII asr boshlari) mahalliy ruhoniylarni va ularning qadimgi Xorazm tilida yozilgan kitoblarini yo‘qotib yuborganlar. Ushbu tildagi yozuvlar (idish-tovoqlar, me’moriy yodgorliklarda) barcha qadimiy Xorazm yodgorliklarida arxeologik qazishmalar paytida ham topilgan. Epigrafikani o‘rganish shuni ko‘rsatadiki, qadimgi Xorazm tilidagi so‘zlar XX asrning boshlariga qadar kundalik hayotda saqlanib qolgan va turkiy tillar guruhining o‘g‘uz lahjasiga kirgan zamonaviy Xorazm shevasida ham qo‘llanadi. Bundan tashqari, qadimgi Xorazm tilidagi ba’zi so‘zlar viloyatning zamonaviy so‘zlashuv nutqida ham saqlanib qolgan.